في حزنك
في ألمك
في جرحك
انت بقي
امتي وقفت جنبي؟؟؟
هتسألني امتي احتجتلك ؟
اه, معلش
و انت هتعرف منين وقت احتياجي
و انت بعد ما تبقي مش محتاجني بتسيبني!!!
من غير ما تلف و تشوفني
اذا كنت واقفة صالبة طولي بعد ما سندتك
ولا حيلي اتهد
بتقول تاني انك محتاجلي
بس انا لسة جرحي بينزف
و مش لاقي حد يداويه
و زي ما بيقولوا فاقد الشئ لا يعطيه
و انا معاك
فقدت كل احساس بيك
و دايما حاسة انك مش حقيقي
مش صادق
مصلحتك هي الاهم
فاكر لما اتهمتك انك بتستغلني؟
فاكر زعلت ازاي!
كان يومها عندي حق
بس انت هتفتكر ازاي
و انت من الاول استغليت عطفي عليك
و بعدين شفقتي
و بعدين حبي
بس انت دلوقتي عامل زي راعي الغنم اللي الديب بياكل غنمه فعلا
لكن ماحدش مصدقه من كتر ما كذب
شوف كده
يمكن ضميرك هو اللي تاعبك
و ساعتها
انت مش محتاج حد معاك
انت محتاج تقف مع نفسك
ربنا يساعدك
شوف كده
يمكن ضميرك هو اللي تاعبك
و ساعتها
انت مش محتاج حد معاك
انت محتاج تقف مع نفسك
ربنا يساعدك
ليست هناك تعليقات:
إرسال تعليق